Астанада Ақмола облысының ауыл шаруашылығы тауарын өндірушілерінің қатысуымен жәрмеңке өтеді

Құрметті елорда тұрғындары және қонақтары!

26 және 27 қазан күндері  Астанада Ақмола облысының тауар өндірушілерінің қатысуымен ауыл шаруашылығы жәрмеңкесі өтеді.

Жәрмеңкеге 100-ден астам ауыл шаруашылығы тауарын өндірушілер мен қайта өңдеу кәсіпорындары қатысады.

Сіздер 40-тан астам азық-түлік сатып ала аласыздар. Жәрмеңке өнімдерінің бағасы дәстүрлі түрде нарықтық бағадан 10-15% - ға төмен болады.

Облыс фермерлері ет және шұжық өнімдерін, балғын балық, жұмыртқа, сүт және сүт өнімдерін, ұн, картоп және көкөністер әкеледі.

Сондай-ақ, жәрмеңкеде тұтынушыларға көмек көрсету  үшін еріктілер жұмыс жасайтын болады.

Келушілердің назарына ақмолалық өнерпаздарыдың қатысуымен концерттік бағдарлама  ұсынылады.

Тиімді бағамен сапалы өнім сатып алу мүмкіндігін жіберіп алмаңыздар!

Біз сіздерді Қарқаралы тасжолы 1 мекенжайы бойынша («Қазанат» ипподромына қарама-қарсы) асыға күтеміз.

Ауыл шаруашылығы жәрмеңкесі сағат 8.00-де басталады.