Ақмола облысында прокурор тағайындалды

Бүгін облыс активіне жаңа прокурор таныстырылды.

ҚР Президентімен келісім бойынша Бас Прокурордың бұйрығымен аға әділет кеңесшісі Руфат Құттықов Ақмола облысының прокуроры болып тағайындалды.

Өңір басшысы Марат Ахметжанов өз кезегінде прокуратура органдарының қоғам өміріндегі маңызды рөлін атап өтті.

«Жаңа басшы құқықтық тәртіпті нығайтуға өз үлесін қосады. Өңірде қоғамдық өмірдің барлық салаларында заңдылықты қамтамасыз ету және қоғамдық-саяси тұрақтылықты сақтау бойынша үлкен бірлескен жұмыс күтіп тұр», - деді облыс әкімі.

Руфат Құттықов еңбек жолын прокуратура органдарында 2000 жылы Ақтөбе облысы Әйтеке би ауданы прокурорының көмекшісі қызметінен бастады.

Әр жылдары ол Ақтөбе облысының мамандандырылған табиғат қорғау прокуроры, Жамбыл облысы Жамбыл ауданының прокуроры, Атырау облысы Атырау қаласының прокуроры, Қарағанды облысы прокурорының бірінші орынбасары және Қазақстан Республикасы Бас прокуратурасының өтініштермен жұмыс және іс жүргізу департаментінің бастығы сияқты негізгі лауазымдарды атқарды.

Жаңа лауазымға тағайындалғанға дейін Руфат Құттықов Маңғыстау облысының прокуроры болып істеді.