Ақмола оқушылары қол генераторын ойлап тапты

Ақмола облысы Бұланды ауданының №2 Никольское жалпы білім беретін мектебінің 8 сынып оқушылары Максим Журавлев пен Асанали Әшімов телефонды немесе басқа құрылғыны электр желілері болмаған жағдайда зарядтауға мүмкіндік беретін қол электр генераторын құруды мақсат етті.

Балалар ауылдық жерде тұрып оқиды, мұнда олар, отбасылары мен достары көбінесе орманға, балық аулауға, далаға шабындыққа және үйден алыс жерде басқа да дайындық жұмыстарына жиі барады.

"Информатика пәнінің мұғалімі Цимбал Артем Сергеевичтің жетекшілігімен біз механикалық тұтқаны пайдаланып, кез келген ұсақ құрылғыны зарядтауға мүмкіндік беретін қол генераторын жасап, құрастырдық. Бұл құрылғының тасымалдануын ескере отырып, оны алыс қашықтыққа оңай тасымалдауға болады және шұғыл немесе төтенше жағдайларда байланыссыз қалатынынан қорықпайсыз", - деп бөлісті балалар.

Ғылыми жобалар байқауының аудандық және облыстық кезеңдерінде оқушылар бірінші орынды иеленді және Бұланды ауданының РМК әдіскері Светлана Артемьеваның бастамасымен Бішкек қаласында өткен "Біз ХХ ғасырдың зиялыларымыз" халықаралық байқауына қатысты, онда Қырғызстан, Ресей және Қазақстаннан келген оқушылардың 200-ге жуық жұмыстары ұсынылды.

Бұл байқауда Журавлев Максим мен Әшімов Асаналидің "Жаңа теориялық әзірлемелер мен модельдер" номинациясы бойынша "Қол генераторы" атты жеке өнертабысының жобасы үшінші орынға ие болды.

Айта кетейік, Халықаралық байқауға Қазақстаннан НЗМ-дан екі команда және Бұланды ауданынан келген қарапайым ауылдық балалар командасы қатысты. Қазақстандық екі команда жүлдегер атанды.