Көкшетау қаласында студенттер сарайы салынуда

Ақмола облысының әкімі Ермек Маржықпаев жұмыс сапары аясында А. Мырзахметова университетінің Студенттер сарайы құрылысының барысымен танысты, деп хабарлайды облыс әкімдігінің баспасөз қызметі.

Университет ректоры Сағынтай Елюбаевтың айтуынша, учаскенің жоспарланған жобалық қуаты 8 мың шаршы метрден асады.

 "Студенттер сарайы болашақта екі ғимараттан тұрады. Біріншісі-студенттік амфитеатр, екіншісі-спорт кешені.

Қазіргі уақытта әрлеу жұмыстары жүргізілуде, жалпы құрылыста қолданылатын барлық материалдар табиғи - бұл тас, фиброгипс, металл. Еден керамикалық плиталардан жасалады. Сондай-ақ мұнда концерт залы, дыбыс жазу студиялары, балет, домбыра, яғни студенттердің шығармашылығын кәсіби дамыту үшін қажет нәрсенің бәрі көзделетін болады. Спорт кешеніне волейбол, баскетбол залдары кіреді, жеке жаттығу залы, күрес залы бар", - деп түсіндірді С.Елюбаев.

"Бұл өте ерекше жоба, жақсы архитектуралық құрылым. Спорт кешенінде республикалық, халықаралық жарыстар өткізуге болады", - деп атап өтті Ермек Маржықпаев.