Ақмола облысының Қызылжар ауылында заманауи медициналық орталық ашылды
Қазақстан Халқының бірлігі күні қарсаңында Целиноград ауданы Қызылжар ауылында жаңа заманауи медициналық орталық ашылды.
Медициналық орталық City Емханасының филиалы болып табылады, «Almaz Medical Group» ЖШС қаражаты есебінен іске асырылды. Жобаның мақсаты - қала деңгейінде ауыл тұрғындарына медициналық көмектің қадамдық қолжетімділігін көрсету.
Енді қызылжарлықтар тек ФАП-та ғана емес, осы медициналық орталықта да медициналық қызметтерді ала алады.
Қызылжар ауылының тұрғындарын осы маңызды оқиғамен аудан әкімі Бахидбек Оспанбеков құттықтады.
«Біздің елімізде денсаулық сақтаудың басым бағыты бар, өйткені адамдардың денсаулығы барлық деңгейдегі биліктің басты міндеті болып табылады. Медициналық орталықтың бүгінгі ашылуы бұған айқын дәлел. Мен City Емханасы филиалының, «Almaz medical group» ЖШС басшылығына, сондай - ақ медициналық орталықтың барлық қызметкерлеріне шын жүректен алғысымды білдіремін, ал Қызылжар ауылының тұрғындарын осы керемет медициналық орталықтың ашылуымен шын жүректен құттықтаймын», - деді аудан әкімі.
Сондай-ақ, ауыл тұрғындарын City Емханасы бас директорының орынбасары Жасұлан Әбілов құттықтады.
Ал Целиноград ауданының Құрметті азаматы ақсақал Ерден Абаев бата түрінде өз тілектерін білдіріп, алғысын білдірді.
Медициналық орталық пациенттерді диагностикалау мен емдеуге арналған заманауи медициналық жабдықтармен жабдықталған.
Қазіргі эпидемиологиялық жағдайда медициналық орталықта жедел жұқпалы аурулары бар науқастарды қабылдауға арналған сүзгі бөлмесі бар.
Жалпы практика дәрігерінің кабинеті балалар мен ересектерді қабылдау үшін қарастырылған.
Медициналық орталықта «КДЛ ОЛИМП» емшара кабинеті ашылды, онда зертханалық диагностикадан өтуге болады. Тұрғындар үшін ауылдық 10% жеңілдік қарастырылған, ол азаматтардың жеңілдетілген санаты үшін барлық жеңілдіктермен жинақталады.
Рентгендік зерттеу кабинетіне флюорографиялық және рентгендік зерттеулерге арналған заманауи жабдықтар орнатылды.
«Meditek» ЖШС дәріхана пункті азаматтардың жеңілдетілген санаты үшін барлық қолданыстағы жеңілдіктермен жұмыс істейді, ал әр жұма сайын барлық азаматтар үшін 7% жеңілдік беріледі.
Екінші қабатта тар мамандардың кабинеттері, 8 төсектік күндізгі стационардың екі кабинеті және тиісті аппараттармен жабдықталған физиотерапия алуға арналған екі кабинет орналасқан.
Өткен жылы Целиноград ауданында Қараөткел, Софиевка ауылдарында дәрігерлік амбулаториялар, сондай-ақ Қоянды ауылында отбасылық денсаулық орталығы ашылды.
Биыл Қоянды ауылында алғашқы медициналық-санитарлық көмек орталығының құрылысы аяқталып, 2025 жылға дейін «Ауылдық денсаулық сақтауды жаңғырту» ұлттық жобасы аясында ауданда тағы 16 медициналық мекеме салу жоспарлануда.