Львовское ауылында тротуар плиталарын шығаратын шағын цех іске қосылды

Жарқайың ауданының Львовское ауылында «Радомир» жеке кәсіпкерлігі тротуар плиталарын шығаратын шағын цехтың жұмысын бастады.

Жобаның негізін қалаушы – Оксана Кащеева. 2025 жылы ол «Бастау Бизнес» жобасы бойынша оқудан өтіп, сертификат алды. Кейін 400 АЕК көлеміндегі мемлекеттік грантты алу конкурсына қатысу үшін Мансап орталығының филиалына өтініш берді. Оның шағын өндірістік цех ашу жөніндегі бизнес-жобасы конкурстық комиссия тарапынан мақұлданды.

Мемлекеттік қолдаудың арқасында кәсіпкерлер қажетті жабдықтар мен материалдарды сатып алып, өндіріс орнын дайындады. 2026 жылдың наурыз айында алғашқы өнім шығарылып, бүгінде цех толыққанды жұмыс істей бастады.

Қазіргі таңда «Радомир» жеке кәсіпкерлігі тротуар плиталарының 5 түрін шығарады. Күніне шамамен 5–6 шаршы метр өнім өндіріледі. Өнімдер тапсырыс бойынша да, тұтынушылардың таңдауына қарай да дайындалады. Кәсіпорын атауы отбасының кенже ұлы Радомирдің құрметіне қойылған.

«Гранттың арқасында көптен бергі арманымызды жүзеге асырып, өз ісімізді бастадық. Алдағы уақытта өндірісті кеңейтіп, өнім түрлерін көбейтуді жоспарлап отырмыз. Бағамыз қолжетімді болады. Болашақта біздің тротуар плиталарымыз Жарқайың ауданындағы көптеген аулаларға төселеді деп сенеміз», – дейді Юрий Кащеев.