Изобильное ауылында заманауи спорт алаңы ашылды

Степногорск қаласына қарасты Изобильное ауылында барлық жастағы тұрғындардың белсенді демалыс, спортпен шұғылдану және бос уақытын тиімді өткізу орталығына айналатын жаңа спорт алаңының салтанатты ашылу рәсімі өтті.

Ашылу рәсіміне Степногорск қаласы әкімінің міндетін атқарушы Фархат Байқасов қатысты. Ол ауыл тұрғындарын айтулы оқиғамен құттықтап, спорттық инфрақұрылымды дамыту және салауатты өмір салтын ұстануға қолайлы жағдай жасау мемлекеттік саясат пен жергілікті атқарушы органдар жұмысының маңызды бағыттарының бірі екенін атап өтті.

Жаңа спорт кешені бірнеше функционалды аймақтан тұрады. Дене шынықтырумен және спортпен айналысуды ұнататындар үшін заманауи жаттығу құрылғылары мен спорттық элементтермен жабдықталған воркаут алаңы салынды. Ең кішкентай тұрғындарға арналған қауіпсіз әрі заманауи балалар ойын алаңы орнатылды. Сонымен қатар, шағын футбол алаңы бар көпфункционалды спорт алаңы пайдалануға берілді. Бұл жерде тұрғындар жаттығулар өткізіп, спорттық жарыстар ұйымдастырып, бұқаралық іс-шаралар өткізе алады.

Ауыл тұрғындары балаларға, жастарға және ересектерге арналған жаңа қоғамдық кеңістіктің ашылуына ризашылықтарын білдірді. Бұл нысан ауыл тұрғындарының бас қосып, уақыттарын пайдалы өткізетін сүйікті орнына айналмақ.