Ақмола облысында әлеуметтік және еңбек қатынастарын реттеу мәселесі қаралды

Ақмола облысының әкімдігінде әкім орынбасары Алтынай Әміренованың төрағалығымен әлеуметтік серіктестік және әлеуметтік-еңбек қатынастарын реттеу облыстық комиссиясының кезектен тыс отырысы өтті.

Отырыста әлеуметтік төлемдер мен жалақы бойынша қарыздарды өтеу мәселелері қаралды. Ақпаратпен мемлекеттік органдардың, кәсіподақ ұйымдарының, кәсіпорындардың және жеке орындаушылардың өкілдері бөлісті.

Арнайы назар Атбасар ауданының «ALEN KZ» ЖШС-інде және Зеренді ауданының «Ұмай Жер» ЖШС-інде жалақы бойынша қарыздардың өтелу жағдайына, сондай-ақ «Tlekei-Agro» ЖШС-де әлеуметтік төлемдердің кешігуіне аударылды.

Талқылау нәтижесінде қарыздарды өтеу жұмыстарын жандандыру және әлеуметтік шиеленістің алдын алу бойынша тапсырмалар берілді.