Көкшетау Наурыз мейрамын қалай қарсы алады
Биыл Көкшетауда Наурыз мерекесін атап өту халықтың терең дәстүрлерін болашақ технологияларымен ұштастыратын тарихи оқиға болмақ. Негізгі мерекелік іс-шаралар 21 және 22 наурыз күндері қаланың екі басты алаңында — Абылай хан алаңында және Жаңа жағалау жағалауында өтеді.
21 наурыз
Тәуелсіздік алаңында ауқымды гастрономиялық «Бауырсақ Fest-2026» фестивалі өтеді. Мұнда аспаздар ең дәмді бауырсақ дайындау бойынша өзара бақ сынасады.
Халықтық серуендермен қатар қала болашаққа қадам жасайды: Tomorrow School мектебінің ресми ашылуы өтеді, сондай-ақ қала тұрғындары мен қонақтары үшін бірегей Цифрлық киіз үй есігін айқара ашады. Бұл жоба ұлттық нақыш пен заманауи IT-шешімдерді үйлесімді біріктіреді.
Спорт сүйер қауым үшін де бұл күн мазмұнды болмақ: қалалық алаңдарда қазақ күресінен турнирлер өтеді, ал «Оқжетпес» футбол клубы Премьер-лига аясында «Ұлытау» командасымен кездеседі.
22 наурыз
Сағат 12:00-де Абылай хан алаңы алып би алаңына айналады: мыңнан астам ер адам бір мезетте «Қара жорға» биін орындайды. Бұл ауқымды акция Көкшетау қаласының атын Қазақстан рекордтар кітабына енгізуді мақсат етеді. Іс-шараға ерекше мәртебе беретін арнайы қонақ — Гиннесстің жеті дүркін рекордшысы Сергей Цырульников өзінің экстремалды күш көрсету шоуын ұсынады.
Түске таман мерекелік орталық Жаңа жағалау жағалауына ауысады, мұнда этноауыл бой көтереді. Қонақтарға көктемгі жаңарудың мәнін ашатын «Наурыз – көктем, жыр думан!» атты театрландырылған қойылым ұсынылады.Сахнада «Үркер» тобының мүшелері және өңірдің үздік шығармашылық ұжымдары өнер көрсетеді.
«Наурыз нұры» интерактиві аясында келушілерді робот-гид қарсы алады, ал қалағандар цифрлық садақ атудан өздерін сынап көре алады немесе жоғары технологиялық көрмелерді тамашалайды.
Мерекелік марафон сағат 17:00-де жағалауда өтетін жарқын жастар Open Air кешімен және облыстық қазақ драма театрында «Алтын қақпа» комедиясының көрсетілімімен аяқталады.
Қала тұрғындары мен қонақтарының қауіпсіздігі мен жайлылығын қамтамасыз ету үшін барлық алаңдарда медицина қызметкерлері, полиция және ТЖД қызметкерлерінің күшейтілген кезекшілігі ұйымдастырылады.