Ақмола облысында «Тұқым күні – Тұқым-2026. Атбасар» халықаралық конференция-көрмесі өтті

 Атбасар ауданында өткен шараға мемлекеттік органдардың, ғылыми қауымдастықтың, агробизнес өкілдерінің және ауыл шаруашылығы тауарын өндірушілердің өкілдері қатысты.

Іс-шараны аша отырып, Ақмола облысы әкімінің орынбасары Мұрат Балпан өңірдің агроөнеркәсіп кешенінің тұрақты дамуын қамтамасыз етуде тұқым шаруашылығын дамыту мен заманауи агротехнологияларды енгізудің маңызды рөл атқаратынын атап өтті.

Іскерлік бағдарлама аясында қатысушылар өсімдік шаруашылығы саласын дамытудың өзекті мәселелері мен перспективалық бағыттарын талқылады. Атап айтқанда, тұқым шаруашылығын дамыту және оны мемлекеттік қолдау шаралары, жоғары табысты ауыл шаруашылығы дақылдары, Ақмола облысының жағдайына ұсынылатын перспективалы ауыл шаруашылығы дақылдарының сорттары, метеожағдайларға бейімделген жасымықтың жаңа сорттарының таныстырылымы, сондай-ақ өңірде қолдануға болатын өсімдік шаруашылығы өнімдерін өндірудің озық тәжірибелері мен технологиялары сөз болды.

Көрме бөлігінде тұқым шаруашылығы, өсімдіктерді қорғау, агрохимия, цифрлық шешімдер мен агротехнологиялар саласындағы инновацияларды қамтыған отандық және шетелдік шамамен 20 компанияның заманауи технологиялық шешімдері ұсынылды.