Республикалық «Еңбек жолы» байқауының жеңімпаздары арасында ақмолалықтар бар

Астана қаласында жұмысшы мамандықтар жылының қорытындысын шығару аясында еңбек әулеттері мен өндіріс қызметкерлері арасында жыл сайынғы "Еңбек жолы" республикалық конкурсының жеңімпаздарын марапаттау рәсімі өтті.

Байқау қорытындысы бойынша «Үздік жас қызметкер» номинациясы бойынша үшінші орынды Біржан сал ауданы «Семизбай-U» ЖШС химиялық талдау зертханашысы Аяжан Жамкенова иеленді. Шағын еңбек өтіліне қарамастан-бір жыл ғана, Аяжан өзін кәсіби даярлықтың жоғары деңгейін және дамуға ұмтылысын көрсететін жауапты, еңбекқор және перспективалы маман ретінде көрсетті.

Сондай – ақ, "Құрмет" орденімен Қорғалжын ауданының "Ораз ауылы" шаруа қожалығының табыншысы, Ауыл шаруашылығын дамытуға және мал шаруашылығы дәстүрлерін сақтауға елеулі үлес қосқан Боранбек Тілеулесов марапатталды.

«Еңбек жолы» конкурсын өткізу жұмысшы кәсіптерінің беделін арттыруға, жас мамандарды қолдауға және еліміздің әлеуметтік-экономикалық дамуына түрлі сала еңбеккерлерінің қосқан үлесін тануға бағытталған.