Ақмола облысының әкімі Марат Ахметжанов Қосшы қаласы тұрғындарының пәтерлерін рәсімдеу мәселесі бойынша мердігер компания және банк өкілдерімен кездесті

17 қараша күні Ақмола облысының әкімі Марат Ахметжанов ТОО «Global Expert Development Group» (Альянсстройинвест) компаниясының басқарма төрағасы Даурен Галеев және АО «Alatau City Bank Business» банкінің проблемалық кредиттермен жұмыс жөніндегі департамент директоры Данияр Кукановпен Қосшы қаласы тұрғындары «Лесная поляна» шағын ауданынан сатып алған пәтерлерге қатысты мәселені талқылау мақсатында кездесу өткізді. Кездесуге сондай-ақ Астана қаласы жекеше сот орындаушылары өңірлік палатасы басшысының орынбасары Асет Рапих шақырылды.

Тараптар қалыптасқан жағдайды шешудің жалпы тәсілдерін, ұстанымдары мен ықтимал жолдарын талқылады.
Өңір басшысы азаматтардың конституциялық құқықтары толық көлемде сақталуы тиіс екенін атап өтті.

Кездесу қорытындысы бойынша облыстық сот және облыстық прокуратура өкілдерімен консультация жүргізілді. Мәселе заң аясында шешілетін болады.

Еске сала кетейік, Қосшы қаласының шамамен 200 тұрғыны 2020–2021 жылдары алдын ала келісімшартқа отырып, аталған мердігер компанияға пәтердің құнын толық көлемде төлеген. Алайда бір жылдан астам уақыт бойы компания пәтерлерге қатысты құжаттарды бермей, меншік құқығын рәсімдемей келеді. Бұл жағдай АО «Alatau City Bank Business» банкінің мердігердің берешегіне байланысты пәтерлерді кепілде ұстауымен байланысты.

Акиматтың бастамасымен пәтер иелерінің, застройщик пен банк өкілдерінің қатысуымен бірнеше рет кездесулер өткізілді. Қазіргі уақытта шамамен 60 сатып алушы мердігермен бірге АО «Alatau City Bank Business» банкіне қатысты Қосшы қалалық сотына талап арыз берген.