Өсімдіктерді қорғау мәселелері жөніндегі үйлестіру кеңесінің отырысы Шортанды ауданында өтті

Шортанды ауданында Ақмола облысы әкімінің орынбасары Мұрат Балпанның төрағалығымен өсімдіктерді қорғау мәселелері жөніндегі үйлестіру кеңесінің отырысы өтті.

Агрономиялық кеңес барысында өсімдіктерді қорғау саласындағы ағымдағы жағдай, сондай-ақ ауыл шаруашылығы тауарын өндірушілердің фитосанитариялық қауіпсіздікті қамтамасыз ету және өнімділікті арттыру бағытында қабылдап жатқан шаралары талқыланды. Агротехникалық іс-шараларды белгіленген мерзімде жүргізу мен өсімдік шаруашылығына заманауи технологияларды енгізудің маңыздылығына ерекше назар аударылды.

Мұрат Балпан аграрлық сектордың азық-түлік қауіпсіздігін қамтамасыз етуде және өңірдің әлеуметтік-экономикалық дамуында маңызды рөл атқаратынын атап өтті. Ол ауа райының қолайсыздығына қарамастан, ауыл шаруашылығы еңбеккерлері жоғары жауапкершілік пен кәсібилік танытып отырғанын айтты.