Зеренді ауданының әкімі "AMANAT" партиясы жастар қанатының кезектен тыс VI съезіне қатысты
Ақмола облысының Зеренді ауылында өтіп жатқан Съездің пленарлық отырысына еліміздің барлық өңірлерінен 350-ден астам делегат пен қонақ қатысты. Құрметті азаматтар қатарында "Amanat" партиясының Төрағасы, Қазақстан Республикасы Парламенті Мәжілісінің Төрағасы Ерлан Қошанов, Ақмола облысының әкімі Ермек Маржықпаев және басқалар бар.
Отырыс барысында Қазақстан Президенті Қасым-Жомарт Тоқаев "AMANAT" партиясы Жастар қанатының кезектен тыс VI Съезінің делегаттарына бейнеөтініш жолдады. Онда Мемлекет басшысы жаңа Қазақстанның жастары үшін үш маңызды басымдықты атады. Бұл: білімге ұмтылу, еңбексүйгіштік және патриотизм.
Съезд жұмысына табыс тілей отырып, Қасым-Жомарт Тоқаев жастардың аға буын өкілдерінің зор үмітін ақтайтынына сенім білдірді.
Съездің ашылуында жастар қанатының төрағасы Нұржан Жетпісбаев еліміздің саяси жүйесінің трансформациясы "AMANAT" партиясының трансформациясынан басталғанын атап өтті.
"Партияны жаңғыртудың кезекті кезеңі оның жастар қанатын қайта жаңғырту болып табылады. Біз жастар мен биліктің өзара іс-қимылының тиімді арнасы болғымыз келеді. Ұсыныстар негізінде барлық өңірлерден "қайта жүктеу" бағдарламасы әзірленді. Сондай - ақ, ұйымның Орталық кеңесінің құрамы қайта қаралды", - деді Нұржан Жетпісбаев.
Съезд делегаттары медиаволонтер Диас Камериданов, партияның жастар қанаты Алматы қалалық филиалының еріктісі Ариана Белобжицкая, Ақтөбеден келген әскери қызметші Ұлан Мырзабай, Солтүстік Қазақстан облысы Озерное ауылы мектебінің информатика пәнінің мұғалімі Асыл Ахметова, қоғам қайраткері Дәулет Мұқаев және басқалары өз ұсыныстарымен және табыстарымен бөлісті.
Съезд барысында Еуро-2022-дің үздік сұрмергені атанған "Қайрат" футбол клубының шабуылшысы Біржан Оразов жастардың партияның жастар қанатын "Жастар Рухы" деп өзгерту туралы ұсынысын жеткізді. Бұл шешімді іс-шараның барлық қатысушылары қолдады.
Съезді қорытындылай келе, "AMANAT" партиясының Төрағасы Ерлан Қошанов жаңа Қазақстан болашақ жастардың игілігі үшін салынып жатқанын атап өтті.
"Жүргізіліп жатқан реформалардың мәні әрқайсыңыздың еліміздің саяси өмірінде, бизнесте және басқа да қоғамдық маңызды салаларда өзін-өзі жүзеге асыру үшін тең мүмкіндіктерге ие болуыңызда. Осы өзгерістердің барлығы біздің Конституциямызға Ел Президентінің бастамасы бойынша енгізілді. Бұл реформаларды жүзеге асыру үшін жастар алдыңғы қатарда", - деді Ерлан Қошанов.
"AMANAT" партиясының төрағасы жастар қанатының алдына бірқатар перспективалық міндеттер қойды. Олардың ішінде: жастардың күтулері мен проблемаларының өңірлік карталарын енгізу, талантты жастар үшін жобалар жәрмеңкесін және басқа да іс-шараларды өткізу, жастар көшбасшыларына арналған оқу бағдарламаларының тиімділігін арттыру, NEET санатындағы жастар проблемаларын шешу бойынша жұмысты күшейту, "Бір толқында" пікірталас алаңын және ЖОО түлектерін жұмысқа орналастыру бойынша рекрутингтік агенттік құру, сондай-ақ Ақмола облысының әкімдігіне съезд өткізуге жәрдемдесуіне алғысын білдірді.
VI кезектен тыс Съездің шешімімен жастар қанатын трансформациялаудың жаңа бағдарламасы қабылданды, жастар ұйымының атауы өзгертілді. Орталық кеңестің құрамы қоғамдық пікірдің белсенді көшбасшыларын, ҮЕҰ өкілдерін және т. б. тарту есебінен кеңейтілді.