Зеренді ауданының Зеренді ауылында өңірдің негізгі мәдени объектісіне айналатын тарихи-өлкетану мұражайының құрылысы жалғасуда. Жұмысты "Строй Тех IC" ЖШС мердігерлік ұйымы жүргізеді

Зеренді ауданының Зеренді ауылында өңірдің негізгі мәдени объектісіне айналатын тарихи-өлкетану мұражайының құрылысы жалғасуда. Жұмысты "Строй Тех IC" ЖШС мердігерлік ұйымы жүргізеді.
Экспозициялық залдарды, қор қоймасын, білім беру кеңістігін, әкімшілік үй-жайларды және техникалық аймақтарды қамтитын жалпы ауданы шамамен 1 380 м2 болатын екі қабатты ғимараттың құрылысы көзделген. Бүгінгі күні іргетас және гидрооқшаулау жұмыстары аяқталды, инженерлік желілер төселді, бірінші қабаттың қабырғалары мен бөлімдері тұрғызылды, оның жабыны мен электрмен жабдықтауға қосылуы орнатылды. Екінші қабатта тіреу бағандарын бетондау және қабырғаларды қалау жүзеге асырылады. Нысан 35% дайын, деп хабарлайды мердігер ұйым өкілдері.
"Тарихи-өлкетану мұражайын салу – ауданның мәдени инфрақұрылымын нығайту және туристік әлеуетін дамыту үшін маңызды қадам. Жоба сапалы және белгіленген мерзімде аяқталатынына сенімдіміз. Жаңа мұражай Зеренді тұрғындары мен қонақтары үшін тартымдылық нүктесі, біздің тарихымызды сақтау және оны болашақ ұрпаққа беру орны болады", - деп атап өтті Зеренді ауданы әкімінің орынбасары Серік Исаханов.
Жаңа мәдени-білім беру орталығы дәрістер, көрмелер, зерттеушілермен және шығармашылық зиялы қауым өкілдерімен кездесулер өткізуге арналған алаңға айналады. Жобаны іске асыру Зерендінің туристік тартымдылығын күшейтетін және гуманитарлық саланың дамуын қолдайтын заманауи мәдени кластер құруға мүмкіндік береді.