Қазақстан Республикасы Парламенті Мәжілісінің депутаты Николай Арсютин Зеренді ауданына келді

2025 жылдың 10 шілдесінде Қазақстан Республикасының Парламенті Мәжілісінің депутаты Николай Арсютин Зеренді ауданына жұмыс сапарымен келді. Сапар барысында ол Айдабол ауылындағы «МБ4» ЖШС-нің қызметімен танысты, бұл кәсіпорын ет өнімдерін өңдеумен айналысады. Кәсіпорынның жылдық жобалық қуаты 10 950 бас малды құрайды.

Сонымен қатар, депутат Зеренді ауылындағы «Балалар мен жасөспірімдер спорт мектебі» мекемесіне барып, спорт инфрақұрылымын дамыту және жастар арасында спортпен шұғылдануға жағдай жасау мәселелерін талқылады.