ҚР Парламенті Сенатының депутаты Талғат Жұнусов жұмыс сапарымен Зеренді ауданына келіп, маңызды инфрақұрылымдық жобалардың жүзеге асу барысымен танысты.

2025 жылғы 5 шілде ҚР Парламенті Сенатының депутаты Талғат Жұнусов жұмыс сапарымен Зеренді ауданына келіп, маңызды инфрақұрылымдық жобалардың жүзеге асу барысымен танысты.

Зеренда ауылында жаңа тарихи-өлкетану музейінің құрылыс алаңында болды. Жалпы алаңы 1379 шаршы метр болатын екі қабатты нысанды «Строй Тех IC» ЖШС салып жатыр. Жобаның құны – 1 млрд теңгеден асады.

Сапар аясында депутат Көктерек ауылында су құбыры мен су тарту жүйелерінің құрылысына да барды. Ұзындығы 13,5 шақырым болатын желілерді «ConsultInvestStroy» ЖШС салып жатыр. Жобаның сметалық құны – 1,3 млрд теңге. Қазіргі таңда 2,6 шақырым магистральдық құбыр төселіп, электрмен жабдықтау жұмыстары жүргізілуде.

Т. Жұнусов бұл жобалардың өңір тұрғындарының өмір сапасын арттыруға және тұрақты дамуға қосатын үлесін ерекше атап өтті.