Зеренді республикалық «Таза Қазақстан» акциясын қолдауды жалғастыруда

Қазақстан Республикасы Президентінің тапсырмасына сәйкес және республикалық экологиялық «Таза Қазақстан» акциясы аясында Зеренді ауылында кезекті сенбілік өтті.
Іс-шараға мемлекеттік органдардың еңбек ұжымдары қатысып, аумақты тазалау жұмыстарына белсенді атсалысты. Акцияның мақсаты – таза, көркем әрі жайлы орта қалыптастыру, экологиялық мәдениетті арттыру және қоршаған ортаны қорғау мәселелеріне назар аударту.