Зеренді ауылдық округінің әкімі шаңғы базасының абаттандырылу барысымен танысты

Зеренді ауылдық округінің әкімі Нұртас Әбуғалиев Зеренді ауылындағы шаңғы базасының аумағын аралап, жүргізіліп жатқан абаттандыру жұмыстарының барысымен танысты. Әкім жобаның орындалу деңгейін қарап, атқарылып жатқан жұмыстардың сапасын арттыру бойынша бірқатар тапсырмалар берді.
Бүгінде бұл базада Зеренді ауданының түкпір-түкпірінен келген 193 жас спортшы жаттығуда. Осы жерде республикалық жарыстардың чемпиондары мен жүлдегерлері, спорт шеберлері мен үміткерлері тәрбиеленген.
Абаттандыру аясында:
жаңа жарық шамдары орнатылуда;
волейбол алаңы жаңартылуда;
9 демалыс аймағы (беседкалар мен әткеншектермен) жабдықталуда;
шаңғы трассасының бойына орындықтар орнатылуда.
Сондай-ақ жобада старт қалашығын, кіреберіс арканы, сауда павильондарын, киім ауыстыратын бөлмелерді, санитарлық тораптарды, фотозонаны және командалық пунктті салу көзделген.