Азат станциясында көптен күткен жол жөндеу жұмыстары басталды!

 Күсеп ауылдық округіне қарасты Азат станциясында жол желісін орташа жөндеу және асфальт төсеу жұмыстары басталды. Бұл – тұрғындардың өмір сүру сапасын арттыруға, көлік қатынасының қолайлылығы мен қауіпсіздігін қамтамасыз етуге бағытталған ауқымды жоба.

Жөндеу жұмыстары жалпы ұзындығы 5 шақырымнан асатын 7 учаскені қамтиды:

     Элеваторная көшесі — 2,295 км

      Центральная көшесі — 1,200 км

      Школьная көшесі — 0,536 км

      Степная көшесі — 0,445 км

      Привокзальная көшесі — 0,400 км

      А. Сабиров көшесі — 0,210 км

      Школьная көшесінің тұйығы — 0,082 км

Мердігер ұйым: «РСУ-16» ЖШС, «Көкшетау Жолдары» ЖШС-нің қатысуымен.

Ауылішілік жолдарды жақсарту – елді мекен инфрақұрылымын дамытудағы маңызды қадамдардың бірі.

 Осыған байланысты, құрылыс техникаларының жұмысына байланысты туындауы мүмкін уақытша қолайсыздықтарға түсіністікпен қарауларыңызды сұраймыз.

 

​