Ақмола облысында "Ashyq" пилоттық жобасы қарқынды

Өңірдің бизнес субъектілерінде коронавирустық инфекцияның таралу қаупін азайтуға қатысты "Ashyq" пилоттық жобасы іске қосылды. Қосымша ПТР-дің жалпы базасымен біріктірілген, бұл жеке тұлғаның жағдайын, оның сырқатпен байланыста болған-болмағанын немесе ауру санатына жататындығын дәл анықтауға мүмкіндік береді. Сонымен қатар бизнес субъектілеріне эпидемиологиялық жағдайдың тұрақсыз кезеңінде толық қуатта жұмыс істеуге мүмкіндік береді.

Бүгін облыс бойынша "Ashyq" жобасына 166 қоғамдық тамақтану нысаны қосылды.

"Бізде QR коды бар "Ashyq" алдыңғы есікке ілулі. Сондай-ақ, QR кодын жылжымалы қағаз түрінде үстелдерге жібереміз, ал телефонда қауіпсіздік режимі бар. Егер қандай да бір сәтте көп адам келсе, біз оларды тез енгіземіз және тексереміз, үстелге келіп, бірден есік алдында да анықтаймыз", - деді "NE ZA GORAMI" мейрамханасының әкімшісі Гүлжан Меңдіғалиева.

Облыс бойынша жобаға қатысуға 285 өтінім берілді, оның ішінде 215 нысан ресми түрде кіріп, QR-код алды. Көшбасшылар үштігіне 116 нысанды Көкшетау, Степногорскте-32 және Атбасар ауданында-16 нысан кірді. Қоғамдық тамақтандыру кәсіпорындары – 166 және басқа тіркелген мекемелер – 23 құрады. Әзірге 11 нысан тестілік режимде жұмыс істеуде.

"Ashyq" қосымшасы арқылы коронавирус жұқтырған және олармен байланыста болған адамдар анықталуы мүмкін. Дәл осы бағдарлама бүгінде 4 жағдайды және 8 байланысты анықтай алды.

"Ashyq" қосымшасының халықты вакцинациялауға ешқандай қатысы жоқ. Вакцинация ерікті болып табылады. "Ashyq" бағдарламасы тек екі базамен біріктірілген. Бұл ПТР-тест нәтижесі және коронавируспен ауыратын науқастармен байланыс", – деп хабарлады облыстық санитарлық-эпидемиологиялық бақылау департаменті басшысының орынбасары Сәуле Сәдуақасова.

Тұрақты және уақытша QR-код алған 29 кәсіпкерлік нысанында рұқсат құжаттары жоқ. Ақмола облысының "Атамекен" ҰКП-на аталған объектілерді "ASHYQ" жобасынан аталған объектілерді сәйкестікке келтіргенге дейін алып тастау туралы ақпарат жолданды.