Ақмола облысында карантиндік шаралар күшейтіледі

25 наурыздан бастап Ақмола облысы коронавирустық инфекцияның таралуы бойынша "жасыл аймақта" тұр. Осыған қарамастан, кейбір аудандардағы эпидемиологиялық жағдай тұрақсыз болып қалуда. Өңірлік жедел штабтың алдағы отырысында облыстың бас мемлекеттік санитарлық дәрігерінің карантиндік шараларды күшейту туралы жаңа қаулысының жобасы талқыланады.

Облыстың бас мемлекеттік санитарлық дәрігері Айнагүл Мусина Өңірлік коммуникациялар қызметінде өткен брифингте мәлімдегендей, наурыз айында елорда маңындағы өңірлерде сырқаттанушылықтың өсу үрдісі байқалады, бұл бүгінде "қызыл аймақта"тұрған Нұр-сұлтан қаласынан халықтың күнделікті көші-қонына байланысты.

Соңғы тәулікте covid-19 зертханалық расталған 48 жағдай тіркелді. Ауырғандардың ең көп саны Көкшетау қаласы, Астрахань, Шортанды, Бурабай және Есіл аудандарына келеді.

Сондай-ақ, зерттелген 10 сынаманың ішінде 1 науқаста "Британдық", "Оңтүстік Африка", "Бразилиялық" штамдарға тән мутация ықтималдығы анықталды. Мутацияның болуын және оның осы штамдардың біріне жататынын түпкілікті растау бір ай ішінде айқындалатын болады.

Спикердің ақпараты бойынша, эпидемиологиялық жағдайдың нашарлауына жол бермеу мақсатында төртінші тоқсанда оқу процесі өзгеріссіз өтеді: дәстүрлі форматта қалалық және ауылдық мектептерде 300 оқушыға дейін, сыныптардағы балалар саны 15 адамнан аспайтын, 1 наурыздан бастап жалпы білім беретін мектептерде мектепалды сыныптардың оқушылары үшін, 1-ден 5-сыныпты қоса алғанда, аралас форматта, аптаның 6 күні ішінде бітіру сыныптары үшін, сабақтан тыс уақытта 15 адамнан аспайтын топтарда оқушыларды жеке оқыту.

Өңірде халықты коронавирустық инфекцияға қарсы кезең-кезеңмен вакцинациялау белсенді жүргізілуде.

"Бірінші кезеңде 1300 доза вакцина келіп түсті, бірінші компонентпен 1298 адам егілді, екінші компонентті 1287 адам алды. Наурыз айының басында 3700 доза вакцина келіп түсті, бірінші компонентпен - 3696, екінші компонентпен-1653 адам егілді. 18 наурыздан бастап 1200 доза вакцина келіп түсті, 1048 адам егілді. Егілгендердің қатарында мұғалімдер, медицина қызметкерлері, күш құрылымдарының қызметкерлері, полиция, мемлекеттік қызметшілер және басқа да санаттар бар. Вакцинацияланғандардың арасында вакцинациядан кейінгі асқынулар тіркелген жоқ", - деп атап өтті Айнагүл Мусина.

Өңірде мониторингтік топтар жұмысын жалғастыруда. Жыл басынан бері мониторингпен әртүрлі меншік нысанындағы 11390 объект қамтылды, оның ішінде 223-іне карантиндік шараларды бұзу фактілері анықталды, 31 млн.теңгеден астам сомаға 297 әкімшілік айыппұл салынды.