Ақмола облысында мектептердің үш ауысымдық мәселесі белсенді шешілуде

Өңірде орта білім беру сапасын арттыруға көп көңіл бөлінеді. Үш ауысымды оқытуды жою өзекті мәселелердің бірі болып табылады.

Жуырда Целиноград ауданы Қоянды ауылында 1200 орындық жаңа мектеп пайдалануға берілді.

Білім басқармасының баспасөз қызметі атап өткендей, жаңа білім беру мекемесінде балалар екі ауысымда оқитын болады. Бірінші ауысымда 904 оқушыдан 40 сынып, екінші ауысымда 392 оқушыдан 18 сынып оқитын болады. Білім беру ұйымында екі спорт залы және 600 орындық екі жақты гардероб бар. Мектеп аумағында жасанды жабыны бар спорт алаңы және екі шағын футбол алаңы бар. Мектепте барлық оқу пәндері бойынша 57 кабинет жұмыс істейді.

Сондай-ақ, үш ауысымда оқыту мәселесін жақсарту мақсатында Көкшетау қаласының №13 "Экос" экологиялық мектеп-гимназиясына жапсаржай құрылысы аяқталды.

"Мектептің жапсаржайында 22 оқу кабинеті орналасқан. Мұғалімдердің жұмыс орындары интернетке шығатын стационарлық компьютерлермен жабдықталған. 30 ноутбукпен екі мультимедиялық кабинет, қазақ және ағылшын тілдерінің екі мобильді кабинеті,кітапхана, қажетті құрал – жабдықтармен жабдықталған жаңа спорт залы, душ бөлмесі, гардероб, кең асхана бар", - деді облыстық ведомстводан.

Сонымен қатар, мектеп ауласында футбол алаңы, ойын алаңдары және демалуға арналған күркелер орналасқан.

Айта кетейік, биыл облыста 2,5 мыңнан астам орынға арналған тағы 6 мектептің құрылысын аяқтау жоспарланған. Целиноград ауданында Қосшы ауылында 1200 орындық, Өтеміс ауылында 120 орындық, Максимовка ауылында 300 орындық және Аршалы ауданында Жібек Жолы, Жалтыркөл ауылдарында 300 орындық, сондай-ақ 392 орындық оқу-тәрбие кешені бар.