Заңды білмеу жауапкершіліктен босатпайды
Ақмола облысы ішкі саясат басқармасының «Жастар-ресурстық орталығы» МКМ ұйымдастыруымен, «Заң және тәртіп» нарративі аясында, Ақмола облысы полиция департаменті қызметкерлерінің қатысуымен, Көкшетау қаласы, Ж. Мусин атындағы жоғары қазақ педагогикалық колледжінің алғашқы курс студенттерімен кездесу өткізілді.
«Заң және тәртіп» нарративінің мақсаты - жастардың құқықтық мәдениетін нығайту, мемлекеттік органдарға деген сенімді арттыру, құқықтық теңдікті қамтамасыз ету және заң талаптарын сақтау норма болып табылатын тұрақты қоғам үшін жағдай жасау болып табылады.
Іс-шараға Ақмола облысы ПД, есірткіге қарсы басқармасының жедел аға уәкілі, полиция подполковнигі – Курсанова Разия Талгатовна, Ақмола облысы бойынша экономикалық тергеп-тексеру департаменті, талдау және тәуекелдер басқармасының аға уәкілі – Тұрсынбаев Ильяс Даулетханұлы, Көкшетау қаласы полиция басқармасы, кәмелетке толмаған істері жөніндегі учаскелік полиция инспекторы, полиция аға лейтенанты – Нысанбай Ескендір Бекболатұлы, Ақмола облысы ПД, кинологиялық қызмет орталығының кіші инспектор-кинологы, полиция кіші сержанты – Аңсариянов Диас Мұхтарұлы, «Esbol qory» жанындағы өңірлік esirtkisiz.aqmola фронт кеңсесінің басшысы – Жағупар Даниал Қуанышбекұлы, ұйымдастырушылар, оқу орнының тәлімгерлері мен студенттері, БАҚ өкілдері және т.б. қатысады.
Шара барысында спикерлер мен студенттер арасында жастар ішіндегі құқық бұзушылық пен заңға қайшы келетін әрекеттер жайлы тақырыптар қозғалып, маңызды ақпараттар берілді.
«Бүгін біз соңғы жылдары, әсіресе жасөспірімдер мен жастар арасында кең таралған мәселе – электронды темекі немесе вейп туралы сөйлесетін боламыз.
Вейптер көбінесе қарапайым темекіге заманауи, зиянсыз және тіпті «сәнді» балама ретінде қабылданады. Жарқын дизайн, әртүрлі дәмдер, темекі түтінінің әдеттегі иісінің болмауы – мұның бәрі жалған қауіпсіздік сезімін тудырады.
Бірақ келесі мәселені түсіну маңызды: вейп зиянсыз бу немесе қарапайым су емес.
Электрондық темекі арнайы сұйықтықты қыздырады және аэрозоль түзіп, оны адам тікелей өкпеге жұтады. Бұл аэрозоль құрамында никотин, ұсақ бөлшектер, ауыр металдар, ұшпа органикалық қосылыстар және басқа да зиянды заттар болуы мүмкін.
Қазіргі ғылыми деректер электронды темекіні қауіпсіз деп санауға мүмкіндік бермейді. Әсіресе балалар, жасөспірімдер, жастар және бұрын никотинді мүлдем қолданбаған адамдар үшін үлкен қауіптер бар.
Қазақстанда вейп айналымына мемлекеттік тыйым салу заңсыз сауданы шектеуге ғана емес, сонымен қатар халықты – ең алдымен балалар мен жастарды – никотинге тәуелділік пен ықтимал зиянды өнімнің таралуынан қорғауға бағытталған» - деп, өз сөзінде Ақмола облысы бойынша экономикалық тергеп-тексеру департаменті, талдау және тәуекелдер басқармасының аға уәкілі Ильяс Тұрсынбаев тоқталып кетті.
Сөз қорытындысында спикерлер заңды білмеу жауапкершіліктен босатылмайтынын ашық айта кетіп, жастарды құқық бұзушылықтан алшақ жүруге, ешкімнің сөзіне еріп кетпеуге, оңай ақша табу жолын іздемеуге шақырды.