Ақмола облысында жаңа жылдық мерекелер кезінде 29 нәресте дүниеге келді

Жаңа жылдық мереке күндері Ақмола облысында 29 сәби дүниеге келді. Аналар мен жаңа туған нәрестелерге медициналық көмек толық көлемде көрсетілді, өңірдің бүкіл перзентханалары қалыпты режимде жұмыс істеді.

Ұлттық статистика бюросының деректеріне сәйкес, 2025 жылдың қаңтар–қазан айлары аралығында облыста жеті мыңнан астам туу тіркелген. Бұл көрсеткіш өткен жылғы деңгейден төмен, әрі ел бойынша байқалып отырған жалпы демографиялық үрдіске сай келеді. Сонымен бірге өңірдегі босандыру жүйесі жыл бойы тұрақты әрі іркілісіз жұмыс істеді.

Облыста босандыру тек медициналық ұйымдарда, тиісті бейіндегі мамандардың қатысумен жүргізіледі. Жүкті әйелдер мен жаңа туған нәрестелерді медициналық көмектің деңгейлері бойынша бағыттау жүйесі жұмыс істейді, бұл кез келген күрделілік кезінде уақтылы көмек көрсетуге мүмкіндік береді.

Мереке күндеріндегі жұмысқа ерекше көңіл бөлінді. 31 желтоқсаннан 1 қаңтарға қараған түні өңірде 18 сәби дүниеге келді, олардың басым бөлігі – ұл балалар. Тағы 11 нәресте 2 қаңтар күні жарық дүниеге келді. Босандыру шаралары жоспарлы да, шұғыл тәртіпте де қабылданды.

«Мерекелік кезеңде барлық босандыру ұйымдары күшейтілген режимде жұмыс істеді. Тәулік бойы кезекшілік пен мамандардың дайындығы аналар мен жаңа туған сәбилердің қауіпсіздігін қамтамасыз етуге мүмкіндік берді», – деп хабарлады Ақмола облысының Денсаулық сақтау басқармасында.

Еске сала кетейік, 2025 жыл бойы өңірде перзентханалардың материалдық-техникалық базасын жаңарту және медициналық қызметкерлердің біліктілігін арттыру жұмыстары жүргізілді. Бұл ана мен баланы қорғау жүйесін нығайтуға бағытталған.