Ақмола облысында «Ұлттық диктант» жазу шарасы ұйымдастырылды

Ақмола облысы Ішкі саясат басқармасының ұжымы «Ұлттық диктант» жобасы аясында диктант жазу жұмысына қатысты.

 

Жобаның негізгі мақсаты – қоғамды бірлікке шақыратын, әр азаматтың мемлекеттік тілді еркін қолдануына серпін беретін мәдени-ағартушылық бастаманы қолдау.

 

Ішкі саясат басқармасынан бастау алған диктант жұмысы алдағы күндері өзге облыстық басқармаларда да жалғасатын болады.

 

«Ұлттық диктант» жазу – тіл мәдениетін жетілдірудің, сауаттылықты арттырудың және мемлекеттік тілге деген құрметті күшейтудің тиімді құралы.

 

Бастама басқарма қызметкерлеріне тілдік бірегейліктің маңызын терең түсінуге, азаматтық жауапкершілікті нығайтуға мүмкіндік берді.