Ақмола облысы инвестициялардың өсу қарқыны бойынша өңірлер рейтингісінде бірінші орынға шықты

2025 жылдың қорытындысы бойыншаАқмола облысына негізгі капиталға салынған инвестициялардың көлемі 926,9 млрд теңгені құрады, бұл 2024 жылмен салыстырғанда 1,5 есе көп. Сонымен бірге жеке инвестициялардың үлесі 71%-ды, ал бюджеттік инвестициялардың үлесі 29%-ды құрап, бұл экономиканың дамуына жеке сектор мен мемлекеттік қаржыландыру көздерінің белсенді қатысын көрсетеді.
Салалар бойынша инвестициялардың негізгі бөлігі өнеркәсіпке тиесілі – 33,7%, ал қалған бағыттар арасында жылжымайтын мүлік операциялары, көлік пен қоймалау, ауылшаруашылығы, құрылыс бар. Осылайша, Ақмола облысы инвестициялардың өсу қарқыны бойынша Қазақстан өңірлері арасында көшбасшы болып, ИФО көрсеткіші 153,1%-ды құрады.
2025 жылдың алғашқы 9 айының қорытындысы бойынша шетелдік тікелей инвестициялардың жалпы ағыны жоспардан шамамен 2,2 есе артық болып, облысқа ел бойынша үшінші орынды қамтамасыз етті. Инвестициялардың жоғары көрсеткіштері негізгі экономикалық салалардың динамикалық дамуын, өндірістік қуаттардың өсуін және жергілікті және шетелдік инвесторлар үшін іскерлік климаттың нығаюын көрсетеді.