Көкшетау қаласында Ақмола, Түркістан облыстарының және Тәжікстан Республикасының қатысуымен ауылшаруашылық жәрмеңкесі өтті

Халықты табиғи, сапалы және қолжетімді өнімдермен қамтамасыз ету, сондай-ақ өңіраралық және халықаралық сауда-экономикалық байланыстарды нығайту мақсатында бүгін, 2025 жылғы 1 маусымда сағат 8:00-де Көкшетау қаласында жағалау аумағында ауыл шаруашылығы жәрмеңкесі ұйымдастырылып, өткізіліп жатыр. Жәрмеңкедегі баға нарықтағыдан 10–15% төмен.
Аталған ауыл шаруашылығы жәрмеңкесіне арнайы Түркістан облысының 16 ауданынан және Тәжікстан Республикасынан табиғи, сапалы әрі ерте пісетін отандық өнімдерімен ауыл шаруашылығы өндірушілері шақырылды. Сатылымға қойылған өнімдер: көкөністер (қызанақ, қияр, картоп, қырыққабат, пияз, сәбіз, қызылша, баклажан, болгар бұрышы, сарымсақ, асқабақ, кәді), жемістер (құлпынай, алма, алхоры, өрік, шабдалы, шие), бақша өнімдері (қарбыз, қауын), сондай-ақ балық, бал, кептірілген жемістер, шырындар және т.б.
Сонымен қатар, Ақмола облысынан брендтік өнімдер мен «НК СПК Kokshe» АҚ тұрақтандыру қорынан өнім шығаратын ауыл шаруашылығы тауар өндірушілері шақырылды. Атап айтқанда: ет өнімдері, жұмыртқа, сүт өнімдері, 1-сұрыпты ұн, қант, күріш, тұз, күнбағыс майы, макарон өнімдері.
Сатылымға шығарылған жалпы өнім көлемі 332 тоннадан асады, оның ішінде, Түркістан облысынан – 215,4 тонна (көкөністер – 102,0 т, картоп – 15,0 т, бақша өнімдері – 36,0 т, жемістер – 30 т, басқа өнімдер (қымыран, бал, балық, кептірілген жемістер, шырындар) – 32,4 т),Тәжікстан Республикасынан – 95 тонна (көкөністер – 30 т, жемістер – 30 т, басқа өнімдер (кептірілген жемістер, шырындар) – 35 т), Ақмола облысынан – 22,02 тонна (ет өнімдері (сиыр еті, жылқы еті, қой еті, құс еті) – 8,02 т, сүт өнімдері – 5,5 т, жұмыртқа – 3 т, күріш, қарақұмық, күнбағыс майы, ұн, макарон өнімдері, тұз, қант – 5,5 т).