Ақмола облысы аумағында әуе, темір жол және автобус қатынастарының жұмысын жаңарту туралы.
Ақмола облысының бас мемлекеттік санитарлық дәрігері А. С. Мусинаның 2020 жылғы 19 мамырдағы №57 Ақмола облысының аумағында коронавирустық инфекция (COVID-19) ауруларының алдын алу бойынша шектеу іс-шаралары туралы» қаулысына сәйкес, ағымдағы жылдың 25 мамырынан бастап Целиноград ауданын қоспағанда, қалааралық, облысішілік бағыттар бойынша (Ақмола облысының шекарасында тасымалдауды жүзеге асыратын) автобустар қозғалысы қалпына келтірілді.
Сондай-ақ, 25 мамырдан бастап облыс аумағындағы автовокзалдар, автостанциялар мен жолаушыларға қызмет көрсету пункттерінің жұмысы жаңартылды.
Сонымен бірге, қалааралық облысаралық қатынастар бойынша, сондай-ақ облыстың қалалары мен елді мекендерін Қазақстан Республикасының астанасы Нұр-сұлтан қаласына қосатын автобустар қозғалысына шектеулер алынбаған. Аталған бағыттар бойынша автобустардың қозғалысы індет ахуалының жақсаруына және тиісті блок бекеттерін алып тастауға қарай жаңартылады.
Естеріңізге сала кетейік, 17 мамырдан бастап Көкшетау – Алматы және Көкшетау Ақтау авиабағыттары бойынша әуе қатынасы жаңартылды.
Сондай-ақ, ағымдағы жылдың 1 маусымынан бастап республикаішілік қатынастар бойынша жолаушылар поездарының қозғалысы жаңартылуда.
Баяндалғанды ескере отырып, жолаушыларды әлеуметтік қашықтықты, маскаларды киіп жүру алгоритмін және коронавирустық инфекциямен (COVID-19) аурулардың алдын алу бойынша басқа да алдын алу шараларын сақтауды сұраймыз
Ережелерді бұза отырып, Сіз тек өздеріңіздің ғана емес, айналадағы адамдардың да денсаулығына және өміріне қауіп төндіретіні естеріңізде болсын!