АҚМОЛА ОБЛЫСЫНЫҢ ҮЗДІК КӘСІПКЕРЛЕРІ МАРАПАТТАЛДЫ
Бүгін, 29 сәуірде облыс әкімдігінде «2020 жылы шағын және орта кәсіпкерлікті дамытудағы жетістіктері үшін» облыстық конкурсының жеңімпаздары мен лауреаттарын салтанатты марапаттау рәсімі өтті. Конкурсқа 4 номинация бойынша 25 өтінім қабылданды: «Үздік инновациялық жоба» - 4 өтінім; «Үздік жас кәсіпкер» - 5 өтінім; «Үздік кәсіпкер әйел» - 12 өтінім; «Үздік стартап» - 4 өтінім. Байқауға 19 аймақтан 11 – Көкшетау қаласы, Степногорск қаласы, Зеренді, Ерейментау, Астрахан, Атбасар, Целиноград, Жарқайың, Бурабай, Біржан сал, Қорғалжын аудандары қатысты.
Конкурстық комиссияның шешімі бойынша «Үздік жас кәсіпкер» номинациясында Жарқайың ауданы, Державинск қаласы - Илья Кайдин ЖК «23» басшысы 3-орынға ие болды. Қызмет түрі: «Феникс» кафесінің тамақтануы. 2 орын Атбасар қаласы «Ержанов А.С» ЖК басшысы Азамат Ержановқа берілді. Қызмет түрі: бөлшек сауда. Осы номинация бойынша конкурс жеңімпазы – «Саян» ЖК басшысы Сағымбай Ботпаев, Ерейментау ауданы. Қызмет түрі: компьютерлер мен перифериялық жабдықтарды жөндеу.
«Үздік кәсіпкер әйел» номинациясында Көкшетау қаласы «Қалиева Б.А.» ЖК басшысы Бота Қалиеваға 3 орын берілді. Қызмет түрі: іс-шараларды ұйымдастыру және ресімдеу. 2 орын Степногорск қаласынан «Лагута Светлана Васильевна» ЖК басшысы Светлана Лагутаға берілді. Қызмет түрі: мектепке дейінгі білім беру. Осы номинация бойынша конкурс жеңімпазы болып «Нұр-А» ӘКК жетекшісі Гүлбаршын Қожахмет, Астрахан ауданы Новочеркасское ауылы. Қызмет түрі: сүт сатып алу және қайта өңдеу.
«Үздік стартап» номинациясында Степногорск қ. «Doctor Step» медициналық клиникасының басшысы Алмас Жәмпейісов 3 орын алды. 2-орынды Целиноград ауданы Қабанбай батыр ауылының «Анисов Б.Т.» ЖК басшысы Бақытжан Анисов иеленді. Қызмет түрі: мамандандырылмаған дүкенде сауда. Осы номинация бойынша конкурс жеңімпазы болып Атбасар қаласы «Вита» ЖК басшысы Оксана Здоровец танылды. Қызмет түрі: «Beslim» Фитнес клубы» сау дене кабинеті.
«Үздік инновациялық жоба» номинациясында 3 орынды
Целиноград ауданы Ақмол ауылындағы «ZEREK BALA» зияткерлік даму орталығының жетекшісі Ақбота Таңжарық иеленді. Қызмет түрі: қосымша білім беру. 2 орын «Успешный» ЖК жетекшісі, Целиноград ауданы Ақмол ауылының тұрғыны Ахмет Мерхайдаровқа бұйырды. Қызмет түрі: ірімшік өндірісі. Комиссияның бірауыздан қабылдаған шешімі бойынша аталған номинацияда Зеренді ауданының «Парус» ЖК басшысы жеке кәсіпкер Арман Сұлтанова жеңімпаз болып танылды. Қызмет түрі: ішкі туризм.
Байқау лауреаттарына дипломдар мен бағалы сыйлықтар берілді: 1 орын үшін – теледидар, 2 орын үшін – моноблок, 3 орын үшін – ноутбук. Естеріңізге сала кетейік, бұл байқау жыл сайын өткізіледі.