Степногорск қаласының аумағында «BIOTRON GROUP» инновациялық кәсіпорны жұмыс істейді

Степногорск қаласының аумағында «BIOTRON GROUP» инновациялық кәсіпорны жұмыс істейді, ол ауыл шаруашылығы жануарларына арналған вакциналар шығарумен айналысатын Алматы биокомбинатының құқықтық мирасқоры болып табылады, 2007 жылы барлық ғылыми құжаттама, күрделі технологиялық жабдық, негізгі кадрлық құрам Алматы қаласынан Степногорск қаласына, кезінде биопрепараттар шығарумен айналысқан «Прогресс» ҮЕҰ алаңына көшірілді.

Бүгінгі таңда биокомбинат қоректік ортада штаммдар өндіруден бастап дайын сынамаларды құюға дейін өндірістің толық циклі үшін жеткілікті өндірістік қуаты бар Қазақстандағы жалғыз кәсіпорын болып табылады. Кәсіпорында ветеринарлық биологиялық препараттар, мұнай қышқылдандыратын препараттар және биошаймалауға арналған препараттар шығарылады, 50-ге жуық жоғары білікті мамандар жұмыс істейді.

Компания өнім ассортиментін кеңейту бойынша үнемі жұмыс жүргізуде, 2017 жылы мемлекеттің қолдауымен «Ауыл шаруашылығы жануарларына арналған инактивтендірілген сорбцияланған культуралды антирабиялық вакцинаны дайындаудың технологиясын әзірлеу және өндірістік учаскесін құру» жобасы іске асырылды, жоба шеңберінде «Технологиялық даму жөніндегі ұлттық агенттік»АҚ инновациялық гранты алынды.

Ағымдағы жылы кәсіпорын тағы бір инновациялық жобаны - фосфат мобилизациялайтын және азотты бекітетін бактериялар негізінде топырақ құнарлылығын арттыру үшін «БиоАзоФосфит» кешенді биоайтқышты өндіруді аяқтауда. Сондай-ақ, жоба шеңберінде Қазақстан Республикасы Білім және ғылым министрлігі Ғылым комитетінің инновациялық гранты алынды. Топырақта биологиялық өнімді қолдану арқылы зиянды саңырауқұлақтар мен қоздырғыштардың саны азаяды, өсімдіктер ауруларға аз сезімтал болады, стрессті жақсы көтереді, бұл экологиялық таза өнім алуға көмектеседі.