Жақсы ауданына жұмыс сапары

Осы аптада Мемлекеттік сатып алу мәселелері бойынша семинар өткізу үшін Жақсы ауданы анықталды, сондай-ақ осы семинарға аумақ бойынша ең жақын болып табылатын Жарқайың ауданы қатысты.

Семинардың маңызды тақырыптарының бірі Тауар биржалары арқылы сатып алу тәсілі болды. Тауарларды тауар биржалары арқылы мемлекеттік сатып алуды жүзеге асыру «Мемлекеттік сатып алу туралы» ҚР Заңының 42-бабында көрсетілген. Мақаланың сипаттамасы келесі тармақтарда:

1. Тауар биржалары арқылы тауарларды мемлекеттік сатып алу Қазақстан Республикасының тауар биржалары туралы заңнамасына сәйкес биржалық тауарлар тізбесі бойынша қосарлы қарсы аукцион режимінде жүзеге асырылады.
2. Егер биржалық тауарлар тізбесіне енгізілген тауарларды мемлекеттік сатып алудың жылдық көлемі биржалық тауарлар тізбесінде көзделген партияның ең төмен мөлшерінен аспаған жағдайда, тапсырыс беруші тауарларды мемлекеттік сатып алуды жүзеге асырудың өзге тәсілін таңдауға құқылы.

Бұдан басқа, биржалық тауарлар тізбесі Қазақстан Республикасы Ұлттық экономика министрінің 2015 жылғы 26 ақпандағы № 142 бұйрығымен бекітілген. (ҚР нормативтік құқықтық актілерінің ақпараттық-құқықтық жүйесінен сілтеме https://adilet.zan.kz/rus/docs/V1500010587).