Бүгін қаламызда Халықаралық отбасы күніне орай іс-шара өтті.

15 Мамыр – Халықаралық отбасы күні

Бүгін қаламызда Халықаралық отбасы күніне орай отбасы құндылықтарын дәріптейтін тағылымды іс-шара өтті.

Салтанатты шарада Степногорск қаласы әкімінің орынбасары Жанасыл Сабырұлы құттықтау сөз сөйлеп, отбасының қоғамдағы рөлі мен маңыздылығына тоқталды. Ол өз сөзінде көпбалалы аналардың еңбегіне ерекше тоқталып, алғыс білдірді.

Іс-шара аясында көпбалалы аналарға құрмет көрсетіліп, Алғыс хаттар мен сыйлықтар табысталды. Сондай-ақ, жергілікті өнерпаздардың қатысуымен шағын концерт ұйымдастырылды.

Отбасы – қоғамның алтын діңгегі, ұлттық тәрбиенің негізі. Берекелі отбасы – баянды болашақтың кепілі. Мұндай іс-шаралар отбасылық құндылықтарды насихаттап, ұрпақ тәрбиесіне оң әсерін тигізері сөзсіз.

Баршаңызды Халықаралық отбасы күнімен шын жүректен құттықтаймыз! Әрбір шаңырақта шаттық пен ырыс орнасын!