Бүгін Ақмола облысына жұмыс сапары аясында Қазақстан Республикасы Президенті Әкімшілігінің мемлекеттік инспекторы Б.А. Исаков Степногорск қаласына келді

Бүгін Ақмола облысына жұмыс сапары аясында Қазақстан Республикасы Президенті Әкімшілігінің мемлекеттік инспекторы Б.А. Исаков Степногорск қаласына келді. Сапардың мақсаты — 2025–2026 жылдардағы жылыту маусымына тұрғын үй-коммуналдық шаруашылық және әлеуметтік нысандардың дайындығын кешенді тексеру.

Сапар барысында инспектор Степногорск жылу электр орталығының жұмысымен, сондай-ақ қаланың жылу желілерін реконструкциялау және ағымдағы жөндеу барысымен танысты. Биыл «Степногорск Теплотранзит» кәсіпорының қаражаты есебінен ұзындығы 2,6 км жылу желісін жөндеу жоспарланған, сонымен қатар ұзындығы 9 км-ден астам магистральдық құбырларды жаңғырту бойынша ауқымды жобалар жүзеге асырылуда.

Ерекше назар ұзындығы 19,6 км «Степногорск қаласының жылу желілерін қайта құру — 1-кезең» жобасына аударылды. Жобаны іске асыру мерзімі — 2024–2026 жылдар. Осыған байланысты «УК Строй» ЖШС және «КазЕвроСтрой» ЖШС-ның есептері тыңдалды.