Техникалық қадағалаумен бірлесіп Бестөбе кентіндегі «Дене шынықтыру-сауықтыру кешенінің құрылысы» нысанына күнделікті шығу жүзеге асырылуда.

Ақмола облысы Степногорск қаласына қарасты Бестөбе кентінде салынып жатқан дене шынықтыру-сауықтыру кешенінің құрылыс нысанында техникалық қадағалаумен бірлесіп күнделікті бақылау жұмыстары жүргізілуде. Жұмыс барысында құрылыс-монтаж жұмыстарының сапасы назарға алынып, тұрақты түрде тексерілуде.
Айта кетейік, нысандағы құрылыс жұмыстары «Таир» ЖШС мердігер ұйымы тарапынан жүзеге асырылуда.

Қазіргі таңда нысанда ішкі әрлеу жұмыстары жалғасуда. Сонымен қатар, аумақты абаттандыру, сыртқы инженерлік желілерді тарту және қосалқы блоктың қабырғаларын кірпішпен өрлеу жұмыстары қатар жүргізілуде.