24 мамыр күні Абай Құнанбайұлы атындағы №6 мектеп-гимназияда 11-сынып түлектері үшін соңғы қоңырау соғылды.

Салтанатты іс-шараға Степногорск қаласының әкімі Гайдар Қабдоллаұлы арнайы қатысып, мектеп бітірушілерге, олардың ата-аналары мен ұстаздарына жылы лебізін білдірді. Қала басшысы түлектерге сенімді қадамдар, жарқын болашақ пен биік белестер тіледі. Сонымен қатар, ұстаздар қауымының еңбегіне алғыс айтып, ата-аналардың қолдауын ерекше атап өтті.

Шара барысында мектеп ұжымы мен оқушылар дайындаған концерттік бағдарлама көрермен назарына ұсынылды.

Мектеппен қоштасу – жаңа өмір жолының бастауы. Түлектерге өмір жолында тек сәттілік пен табыс тілейміз!