Басқарма басшысының Ұлы Жеңістің 80 жылдығына арналған құттықтауы

Жұмыспен қамтуды үйлестіру және әлеуметтік бағдарламалар басқармасының басшысы Шолпан Рахматуллина Біржан Сал ауданының Кенашы ауылында өткен гүл қою рәсіміне қатысып, Ұлы Отан соғысының қаһармандарына құрмет көрсетті.

Бұл күн – халқымыздың қайсарлығы мен ерлігі, Отанға деген шексіз сүйіспеншілігі мен әділдікке деген сенімінің нышаны. Жеңіс оңай келген жоқ – ол миллиондаған жанның өмірі, ерен еңбегі мен ерлігі арқасында қол жеткізілді.

Біз Жеңіс үшін жанын қиған ерлердің рухына бас иеміз. Елімізге бейбіт өмір сыйлаған ардагерлерге шексіз ризашылығымызды білдіреміз.

Батырларымыздың ерлігі – ұрпақ санасында мәңгі сақталып, Ұлы Жеңіс тарихы әрдайым ел жадында болмақ. Бұл – бейбітшіліктің бағасын ұғындырып, бірліктің қадірін еске салатын мәңгілік мұра.

Ұлы Жеңіс күні құтты болсын! Ерлер есімі – ел есінде!