ҚР Еңбек және халықты әлеуметтік қорғау вице-министрі Ерлан Әукенов 2021 жылғы 3 қыркүйекте жұмыс сапарымен Ақмола облысына келді

ҚР Еңбек және халықты әлеуметтік қорғау вице-министрі Ерлан Әукенов 2021 жылғы 3 қыркүйекте жұмыс сапарымен Ақмола облысына барды. Атап айтқанда, Е.Әукенов Ақкөл ауданында болды.
Вице-министрдің жұмыс сапары барысында Ақмола облысының жұмыспен қамтуды үйлестіру және әлеуметтік бағдарламалар басқармасының басшысы Д.Ахметжанова аз қамтылған отбасыларға атаулы әлеуметтік көмек көрсету, атаулы әлеуметтік көмек алушыларды жұмыспен қамту шараларымен қамтамасыз ету, медициналық дәрі қобдишаларын бөлу, сондай-ақ мүгедектерді оңалтудың жеке бағдарламаларын орындау мәселелері бойынша есеп берді.
Дина Камидулловна Көкшетау қаласында мүгедектігі бар адамдарды жұмысқа орналастыру бойынша қызмет көрсетілетін, жеке кеңес беру бойынша жұмыс, жеке даму бағдарламаларына сәйкес әлеуметтік-мәдени, білім беру іс-шаралары жүргізілетін "теңіз қоғам" орталығының ашылуы туралы айтты.
Сонымен қатар, әлеуметтік қызметтер порталына қатысты, атап айтқанда мүгедектігі бар адамдарды техникалық көмекші құралдармен қамтамасыз ету кезіндегі проблемалар туралы айтып берді.
Еңбек және халықты әлеуметтік қорғау Вице-министрі Е.Әукенов халықтың әлеуметтік осал топтарын әлеуметтік қолдау көрсеткіштерінің орындалуына оң баға берді, есеп қорытындысы бойынша бірқатар тапсырмалар берді, оның ішінде көрсетілетін атаулы әлеуметтік көмек үшін жергілікті бюджеттен қоса қаржыландырудың кемінде 20%-ын берді.
Жұмыс сапарының соңында Еңбек және халықты әлеуметтік қорғау вице-министрі сала ардагері, бұрын "Ақкөл ауданының халықты жұмыспен қамту орталығы" КММ жоғары санатты маманы Л.Морозоваға "Еңбек ардагері" медалін, сондай-ақ "Ақкөл ауданының халықты жұмыспен қамту орталығы" КММ директоры Б. Тәшеноваға "Әлеуметтік - еңбек саласының үздігі" төсбелгісін табыс етті.