Жұмыспен қамтуды және әлеуметтік бағдарламаларды үйлестіру басқармасының басшысы «Көкшетау ЖЭО» ЖШС өкілдерімен жұмыс кездесуін өткізді

«Көкшетау ЖЭО» ЖШС өкілдерімен жұмыс кездесу өткізілді, іс-шара барысында қатысушыларға шетелдік жұмыс күшін тарту мәселелері бойынша түсініктемелер берілді.

Шетелдік жұмыскерлер үшін квоталау және рұқсат құжаттарын ресімдеу тәртібіне, ішкі еңбек нарығын қорғау тетіктеріне, сондай-ақ жергілікті азаматтарды жұмысқа орналастырудың басымдығына ерекше назар аударылды.  

Кездесу ашық диалог форматында өтті, онда кәсіпорын өкілдері шетелдік мамандарды тарту рәсімдері туралы сұрақтарға толық жауап алды.