Ақмола облысында «Socium» ақпараттық жүйесімен жұмыс істеу бойынша оқыту өтті

Ақмола облысының жұмыспен қамтуды және әлеуметтік бағдарламаларды үйлестіру басқармасы ғимаратында «Socium» ақпараттық жүйесінде жұмыс істеу бойынша оқыту өтті. Іс-шара жан басына шаққандағы қаржыландыруды енгізу аясында өтті.

Оқытуға арнайы әлеуметтік қызмет көрсету орталықтарының, үйде қызмет көрсететін КММ мамандары, сондай-ақ үкіметтік емес ұйымдардың өкілдері қатысты.

Оқытуды «Cushpen Innovations» ЖШС-нің өкілі, «Socium» платформасын енгізу жөніндегі маман Қасымбек Дарина жүргізді.

Оқыту барысында қатысушыларға «Socium» жүйесімен жұмыс істеудің негізгі қағидаттары, сондай-ақ оны жан басына шаққандағы қаржыландыру аясында қолдану ерекшеліктері түсіндірілді.

Іс-шараға барлығы 60-тан астам адам қатысты.