Әлеуметтік әріптестік және әлеуметтік-еңбек қатынастарын реттеу жөніндегі комиссияның кезекті отырысы

Ағымдағы жылдың 5 наурызында Ақмола облысы әкімдігінде облыс әкімінің орынбасары А.Б. Әмренованың төрағалығымен әлеуметтік әріптестік және әлеуметтік-еңбек қатынастарын реттеу жөніндегі облыстық комиссияның кезекті отырысы өтті.

Отырыста әлеуметтік төлемдер бойынша берешекті өтеу мәселелері, сондай-ақ Еңбек адамының құқықтары мен мүдделерін қорғау жөніндегі заң клиникасының қызметі қаралды. Сонымен қатар еңбек жанжалдары мен даулардың алдын алу бойынша қабылданып жатқан шаралар талқыланды.

Мемлекеттік органдар мен кәсіподақ ұйымдарының өкілдері баяндама жасады.

Әлеуметтік төлемдер бойынша берешекті өтеу мәселесіне Атбасар, Қорғалжын және Целиноград аудандарындағы жағдайға ерекше назар аударылды. Аталған өңірлер әкімдерінің орынбасарлары тыңдалды.

Талқылау қорытындысы бойынша берешекті өтеу жұмыстарын жандандыруға және әлеуметтік шиеленістің алдын алуға бағытталған нақты тапсырмалар берілді.