Қандастарды қабылдау жөніндегі комиссия отырысы

Қандастарды қабылдау жөніндегі комиссия отырысы

2026 жылғы 27 қаңтарда Ақмола облысының жұмыспен қамтуды және әлеуметтік бағдарламаларды үйлестіру басқармасында қандастарды қабылдау жөніндегі комиссияның кезекті отырысы өтті.

Отырыс мемлекеттік қызметтерді үйлестіру және көші қон бөлімінің басшысы А. Серенованың төрағалығымен, комиссия мүшелері мен қоғамдық бірлестіктер өкілдерінің қатысуымен өтті.

Комиссия 30 отбасының (63 адам) өтініштерін қарады.

Отырыс қорытындысы бойынша қандас мәртебесі 23 отбасына (49 адам) берілді, оның ішінде Ақкөл ауданында 15 отбасы (34 адам), Ерейментау ауданында 5 отбасы (9 адам), Бурабай ауданында 3 отбасы (6 адам).

Қандастардың өңірлік квотасына 1 отбасы (4 адам) Степногорск қаласына енгізілді.

Өңірлік квотаға енгізілген қандастар мемлекеттік қолдаудың келесі түрлерін алады:

  1. Көшуге біржолғы төлем

Мөлшері: отбасының әрбір мүшесіне 70 АЕК (302750 теңге).

  1. Тұрғын үйді жалға алу және коммуналдық қызметтер үшін ай сайынғы өтемақы.

12 ай ішінде төленеді.

Көлемі отбасы санына және тұратын жеріне байланысты:

  Қалалық жер:

1 адам - 20 АЕК (86500 теңге)

2-4 адам-25 АЕК (108125 теңге)

5 және одан да көп адам - 30 АЕК (129750 теңге)

  Ауылдық жерлер:

1 адам - 15 АЕК (64875 теңге)

2-4 адам-18 АЕК (77850 теңге)

5 және одан көп адам - 21 АЕК (90825) теңге

  1. Тұрғын үй сатып алу үшін экономикалық ұтқырлық сертификаты - 1625 АЕК (7,0 млн. теңге).