Отбасы күніне орай: Ақмола облысының Отбасы қолдау орталықтарында 1100-ден астам адамға көмек көрсетілді

Отбасы күні — туыстық байланыстардың, қолдау мен өзара түсіністіктің құндылығын еске салатын маңызды мереке. Бұл күні Қазақстандық отбасыларға көрсетіліп жатқан нақты көмек шаралары туралы айту айрықша мәнге ие.

Ақмола облысында 2025 жылдың 8 айындағы Отбасы қолдау орталықтарының (ОҚО) жұмысының қорытындылары шығарылды. Қаңтардан қыркүйекке дейін 1 107 адам көмек алып, оларға 1 687 әлеуметтік, заңгерлік және психологиялық қызмет көрсетілді.

ОҚО «AMANAT» партиясының сайлауалды бағдарламасын іске асыру жөніндегі Жол картасы аясында құрылып, жұмыспен қамту және әлеуметтік бағдарламалар бөлімдері жанында қызмет етеді. Бүгінде облыста 9 орталық жұмыс істейді: Степногорск, Қосшы қалаларында, сондай-ақ Атбасар, Бурабай, Зеренді, Астрахан, Шортанды, Целиноград және Бұланды аудандарында.

2025 жылы олардың қызметін қаржыландыруға 129,6 млн теңге бөлінді, оның ішінде екі жаңа орталық ашуға да қаражат бағытталды.

Қысқаша қорытынды:

🔹Ең көп сұранысқа ие қызметтер: заңгерлік кеңес (290), психологиялық көмек (312), жұмыспен қамту (152), жәрдемақы рәсімдеу (193), демеушілік көмек (254)

🔹Ерекше назар — әйелдерге: 637 өтініш білдірушінің 56-сы жұмысқа орналастырылды
🔹121 мобильді топ 396 отбасына көмек көрсетті

🔹FSM Social қосымшасы арқылы 1 016 өтініш түсті

🔹328 ақпараттық жарияланым мен іс-шара өткізілді

Орталықтар отбасы институтын нығайтуға, халықтың әлеуметтік осал топтарын қолдауға және жергілікті жерлерде өмір сүру сапасын арттыруға үлесін қоса бермек.