Экологиялық жағдайды жақсартуға бағытталған «Таза Қазақстан» ауқымды республикалық бағдарламасы аясында Ақмола облысы қоршаған ортаға ұқыпты қарауды қалыптастыру бойынша белсенді жұмысты жалғастыруда.

 Жас ұрпақты өзекті экологиялық мәселелерді шешуге тартуға ерекше көңіл бөлінеді.

2025 жылғы 22 қазанда Шортанды ауданында «Таза Қазақстан» ұлттық бағдарламасы аясында жастар арасында экологиялық мәдениетті арттыруға бағытталған экологиялық іс-шаралар өтті.

Сағат 10:00-де демалыс орталығының ғимаратында спикерлермен диалог алаңы мен дөңгелек үстел өтті, онда қоршаған ортаны қорғау, экологиялық сананы қалыптастыру және «адал еңбек – адал табыс» идеологиясын ілгерілету мәселелері талқыланды. Аудан әкімі Сағындық Шабаров қатысушыларды құттықтап, белсенді жастарға алғыс хаттар табыс етті.

Сағат 12: 00 – де «Таза Қазақстан-таза болашақ» экологиялық акциясы өтті. Іс-шараға 300-ден астам жас мамандар, оқушылар, еріктілер және белсенді жастар қатысты. 

Акция аясында Жастар аллеясына 80 көшет отырғызылды. Сондай-ақ, белгілі спортшы, Guinness рекордтар кітабының рекордшысы Сергей Цырульников, жастар көшбасшылары мен депутаттары экологиялық хабардарлық пен белсенділікті арттырудың маңыздылығын атап өтті. Ұйымдастырушылардың айтуынша, бұл іс-шара экологиялық мәдениетті дамытуға және өңір жастары арасында табиғатқа ұқыпты қарауға қызығушылықты арттыруға ықпал етеді..

#ТазаҚазақстан #ЧистыйКазахстан #TazaQazaqstan #TazaChallenge