Аудан ұйымдарының бухгалтерлерімен жұмыс кеңесі өтті

Аудан әкімі аппаратының басшысы Теміртаев Т. төрағалығымен Ақмола облысы бойынша Ішкі мемлекеттік аудит департаментінің камералдық бақылау бөлімінің басшысы Хамитов М. аудан ұйымдарының бухгалтерлерімен кеңес өткізді.

Кездесудің негізгі мақсаты – мемлекеттік сатып алу саласындағы қолданыстағы заңнама нормаларын түсіндіру, сондай-ақ жиі кездесетін бұзушылықтарды талқылау және олардың алдын алу жолдарын қарастыру болды.

Кеңес барысында бухгалтерлер күнделікті жұмысында жиі кездесетін практикалық мәселелер қаралып, заңнамадағы өзгерістер бойынша түсініктемелер берілді, сондай-ақ мемлекеттік сатып алу рәсімдерін белгіленген ережелерге сәйкес сақтау жөнінде ұсынымдар ұсынылды.