Өңірдің су айдындарындағы қауіпсіздік
Шомылу маусымы 1 маусымда басталатынына қарамастан, Ақмола облысының су айдындарында демалушылардың жиналуы байқалады.
Департамент қызметкерлері тұрақты негізде демалушылармен рейдтік-профилактикалық іс-шаралар өткізеді. ТЖД азаматтық қорғаныс басқармасының офицерлері Бурабай көлінде профилактикалық рейд жүргізді.
Судағы жазатайым оқиғалардың алдын алу мақсатында құтқарушылар демалушыларға судағы тәртіп ережелерін еске салып, қайықтар мен катамарандарды жалға алушыларда құтқару құралдарының бар-жоғын тексерді.
Ақмола облысының ТЖД ұсынады:
- Тек рұқсат етілген жерлерде шомылыңыз.
- Балаларды қараусыз қалдырмаңыз.
- Мас күйінде суға түспеңіз.
– Су көлігімен жүру кезінде құтқару кеудешелерін пайдаланыңыз.
Осы қарапайым ережелерді сақтау қайғылы жағдайлардан аулақ болуға және демалысты барлығына қауіпсіз етуге көмектеседі.
Посмотреть эту публикацию в Instagram