Шетелдік блогерлер Қазақстанда

ҚР СІМ шақыруы бойынша Қазақстанға белгілі шетелдік блогерлер келді. Травелдер мен фуд-блогерлердің келуінің басты мақсаты - Дүниежүзілік көшпенділер ойындарын дәріптеу және елдің ұлттық құндылықтары мен туристік саласымен танысу.

Дүниежүзілік көшпенділер ойындары-этникалық спорт түрлері бойынша халықаралық спорттық жарыстар. Тарихи жарыс көшпелі халықтардың халық ойындарына негізделген. Адамзат өркениетінің мұрасы ретінде этноспорт және этномәдени қозғалысты дамытуға бағытталған.

5-ші Дүниежүзілік көшпенділер ойындарын дайындау және өткізу дирекциясы "Qazaqstan" жеңілатлетикалық кешенінде шетелдік блогерлер үшін арнайы презентация өткізді.

Іс-шараға 8 елден, атап айтқанда Тайланд, Малайзия, Қытай, Оман, Түркия, Әзірбайжан, Вьетнам, Италия және Қырғызстаннан 11 шетелдік блогер қатысты. Бұл игі шара кең қамтуды қамтамасыз етеді және Қазақстанның мәдени және туристік әлеуетін көрсету үшін бірегей платформа ұсынады.

Қатысушылар арасында Малайзиядан келген Nur Ruhainies Farehah, Instagram-да 1.7 миллион және тиктокта 738.7 мың жазылушысы бар актриса, жүргізуші және Қытайдан келген Wang jianing, xiaohongshu, Douyin және Weibo-да үлкен аудиториясы бар фуд-блогер сияқты халықаралық блогерлер болды.

Іс-шара аясында қонақтар әлемдік көшпенділер ойындарында ұсынылатын бірегей спорт түрлерімен танысты. Солардың ішінде: Қазақ күресі, Құсбегілік, Асық ату, Тоғызқұмалақ, Мангала, Овари, Мас-рестлинг және Дәстүрлі садақ ату.

Бұл дәстүрлі спорт түрлері қазақ мәдениетінің байлығын көрсетіп қана қоймай, оның халықаралық аренада бірегейлігін көрсетуге септігін тигізеді.