Адам саудасына қатысты қылмыстар қылмыстық жауапкершілікке тартылады

Адам саудасына қатысты қылмыстар қылмыстық жауапкершілікке тартылады

Ілеспе түзетулерде Қылмыстық кодекске жаңа санат – адам саудасымен байланысты қылмыстар енгізіледі. «Адамды қанау» түсінігі мәжбүрлеу әдістерін кеңейту тұрғысынан халықаралық стандарттарға сәйкестендіріледі.

ҚР Қылмыстық кодексінің «Адам саудасы» 128-бабына өзгертулер енгізіледі. Азаматтарды заңсыз қанауға тартудың кеңейтілген тәсілдерімен адам саудасының анықтамасы кеңейтіледі. Бұл қорқыту немесе күш қолдану, мәжбүрлеудің басқа да түрлері, адам ұрлау, алаяқтық, алдау, пара алу, төлемдер немесе жеңілдіктер арқылы билікті немесе осалдық жағдайын асыра пайдалану. Бұл түсініктеме құқық қорғау органдарына аталған барлық жағдай бойынша қылмыстық іс қозғауға мүмкіндік береді.

Сонымен қатар жаңа заң жобасында адам саудасына байланысты қылмыстарға қатысушылардың татуласу мүмкіндігі алынып тасталды. Қылмыстық-процестік кодексі жәбірленушінің арнаулы әлеуметтік қызметтерді алу құқығымен толықтырылады. «Жәбірленушілерге өтемақы қоры туралы» заңда адам саудасына қатысты жекелеген қылмыстар қамтылған.