ЦЕЛИНОГРАД АУДАНЫНЫҢ ТӨҢКЕРІС АУЫЛЫНДА ҰЛЫ ОТАН СОҒЫСЫНА ҚАТЫСҚАН ЖЕРЛЕС ЖАУЫНГЕРЛЕРГЕ ЕСКЕРТКІШ ОРНАТЫЛДЫ
Фашистік Германияны жеңудің 78 жылдығы қарсаңында Целиноград ауданының шежіресіне тағы бір маңызды бет жазылды.
Арайлы ауылдық округінің Төңкеріс ауылында ауылдастарына, Ұлы Отан соғысына қатысушыларға арналған ескерткіштің салтанатты ашылуы өтті.
Ескерткіштің ашылу салтанатына Целиноград ауданы әкімінің орынбасары Алма Айткужинова, Қорғаныс министрлігінің әскери-техникалық мектебінің әскери-патриоттық тәрбие орталығының басшысы, «ҚР Қарулы Күштерінің Ардагерлері» Республикалық қоғамдық бірлестігі төрағасының орынбасары, отставкадағы генерал-майор Нағұманов Марат Сералыұлы, Целиноград ауданының Құрметті азаматы Қожабаев Ыдырыс Асанұлы, ауыл ақсақалдары, мемлекеттік қызметшілер, педагогикалық ұжым және мектеп оқушылары қатысты.
Ауыл тұрғындары мен қонақтарының алдында сөз сөйлеген Алма Айткужинова бұл іс-шара тұрғындардың өздері мен «Кадам-НС» ЖШС директоры Медет Қожабаевтың ескерткішті дайындау және орнату бойынша демеушілік көмек көрсеткені арқасында мүмкін болғанын атап өтті.
Ол Ұлы Жеңістің 78 жылдығы қарсаңында жерлестерімізді еске алу шараларын өткізу өте маңызды екенін атап өтті.
«Біз айқас даласында қалғандар мен үлкен жеңіске жетіп, қайтып оралғандар алдында ақысыз қарыздармыз. Біздің үстімізде күн жарқырап, бейбіт аспанның ашық болуы – олардың арқасы. Сондықтан да біздің міндетіміз – жерлестеріміздің Ұлы Отан соғысы жылдарындағы сол қатал күндері мен ерліктерін есте сақтау.
Мемориалдық ескерткіштер мен обелисктердің ашылуы – болашақ ұрпаққа жалпыға бірдей құрмет, патриоттық тәрбие берудің айқын үлгісі. Төнкеріс ауылындағы ескерткіш біздің аталарымыз бен арғы аталарымыздың алдында жалпыға ортақ мақтаныш пен еске алу орны болатынына сенімдімін. Өткен соғыс, орны толмас шығындар мен қайғы-қасіретті есте сақтау біздің және болашақ ұрпақтың міндеті. Біздің жерлестеріміздің, батырларымыздың батылдығы мен табандылығын, жау жүректігі мен патриотизмін ұмытуға құқығымыз жоқ», - деп атап өтті Алма Көкішқызы.
Сондай-ақ, ауыл тарихындағы айтулы күнмен «ҚР Қарулы күштер ардагерлері мен әскери қызметшілерінің отбасы» қорының президенті Марат Нағұманов, ауданның Құрметті азаматы Ыдырыс Қожабаев, ауыл имамы Кенжебай Мәукенұлы және т.б. құттықтады.
Салтанатты рәсім соңында мемориалға гүл шоқтары қойылды.
Соғыс жылдарында қаза тапқандардың барлығына Құран оқылды. Ұлы Отан соғысы жылдарында қаза тапқан жауынгер қазақстандықтарды бір минут үнсіздікпен еске алды.
Мемориал өте әдемі болып шықты. Екі мәрмәр тақталарында соғыста қаза тапқан және үйге оралған 98 сарбаздың есімдері жазылған.
Жылдан жылға Төңкеріс ауылы жақсы жаққа өзгеруде, өткен жылы модульдік мектеп салынды, ал бүгінде оның аумағында батырлардың есімдері жазылған стелалар пайда болды. Жерлестердің жадын сақтау барлық ұрпақ үшін өте маңызды.