ЦЕЛИНОГРАД АУДАНЫНДА АҚСАҚАЛДАР АРАСЫНДА «ТУҒАН ӨЛКЕНІҢ БАЙЛЫҒЫ» АТТЫ ҚЫСҚЫ БАЛЫҚ АУЛАУ ТУРНИРІ ӨТТІ

Наурыз мейрамын мерекелеу аясында Целиноград ауданында ақсақалдар арасында «Туған өлкенің байлығы» атты қысқы балық аулау турнирі өтті.
Жарыс Талапкер ауылдық округінің аумағында өтті. Мұз астынан балық аулауға Ақмол, Талапкер, Қараөткел, Нұресіл және Жаңаесіл ауылдық округтерінің табиғат әуесқойлары жиналды.
Балық аулау - болжауға бағынбайтын іс. Кеше балық болғанымен, бүгін болмауы әбден мүмкін. Бұл қандай құбылыстармен байланысты? Бұл ауа–райы ма, су мөлшерінің көтеріліп төмендеуі ме, әлде қосымша тамақтандырудан ба - сіз тек пайымдап болжай аласыз. Балық аулау үш сағатқа созылды. Соңғы ысқырықтан кейін төрешілер сол күні сәттілікке ие болғандардың ауланған балығын өлшеп, қорытынды шығарды. Бұл күнде сәттілік саналы азаматтарға тиесілі болды.
Бірақ балық аулаудың ең кереметі - табиғатпен бір болу, таза ауада ескі таныстармен кездесіп, әңгіме құру. Қуантарлық жағдайдың бірі - тәжірибелі балықшылармен қатар көптеген жастар да шараға қатысқанын атап өту жөн.
Іс-шараның соңында турнир қатысушылары ыстық шәй ішіп, Аудандық мәдениет үйі қызметкерлерінің әндерін тамашалап өз марапаттарына ие болды!